Babad Dipongoro lan Babad Negarakertagama Penting Kanggo Donya

UNESCO nglebokake naskah kuna Babad Diponegoro lan Babad Negarakertagama ana ing Daftar Ingatan Dunia ( Memory of The World ). Naskah kasebut dianggep menginspirasi nasional, regional, utawa global.            Kapentingan Indonesia nglebokake Babad Diponegoro lan Babad Negarakertagama kuwi kanggo nglestarekake lan mempromosikan manuskrip kuna kasebut.            Babad Diponegoro yaiku catetan pribadhi sing ditulis dening Pangeran Diponegoro, rikala diasingke menyang Manado, Sulawesi Utara, Mei 1831-Februari 1832. Catetan kuwi ditiulis nganggo bentuk macapat sing bisa dibiji kanggo otobiografi ingkang sepisan ing literatur Jawa moderen..            UNESCO banjur nerima Negarakertagama kang ditulis dening pujangga Majapahit yaiku Empu Prapanca. Negarakertagama nyeritakake keraton Majapahit sing gedhe saka pimpinan Hayam Wuruk lan Patih Gajah Mada. Hayam Wuruk lan Patih Gajah Mada digambarake peduli karo rakyate, makmur masyarakate, lan sakpanunggalane.
            Pengajuan Babad Diponegoro lan Babad Negarakertagama dilakokake dening Perpustakaan Nasional lan Koninklijk Instituut voor Tall-Land-en Volkenkunde (KITLV) utawa lembaga Kerajaan Ilmu Bahasa, Negara, lan Antropologi Belanda.            Naskah salinan Babad Diponegoro sing ditulis nganggo basa Jawa sing nduwe Perpustakaan Nasional, lan Babad Diponegoro sing bentuke manuskrip ditulis nganggo Arab Gundul, tulisan tangan Diponegoro, disimpen ana ing Belanda.            Saka tulisan ing dhuwur kuwi dhewe sing dadi wong Indonesia khususe wong Jawa asli kudune bisa ngrasa bangga lan seneng amarga kabudayan jawa asli bisa dilebokake utawa diakui dening UNESCO. Kuwi artine yen jawa iki nduweni kabudayan kang apik lan prelu dilestarekake. Wong luar negeri gelem nglestarekake, dhewe sing wong jawa asli kudune ya bisa nglestarekake budayane dhewe, isin yen dhewe ora gelem lan ora bisa nglestarekake. Akeh kabudayan sing durung bisa dilestarekake. Kuwi kabukti saka akehe naskah-naskah kuna kang ilang ora ngerti ning ngendi. Sapa sing prelu disalahake yen naskah penting kuwi ilang?