“Piye Kabare, Penak jamanku Ta?”

Tembung kuwi mesthine asring keprungu, biyasane ya ana ing tulisan kang ditulis ana ing mburi truk pasir. Tembung kang njawani iku ditulis ana ing sandhinge foto Presiden kaping pindho RI, yaiku Pak Soeharto kang lagi mesem.

Ora sadar akeh uwong kang padha gunakake tembung kuwi lan didadekake slogan andalan. Ora ngerti kuwi disengaja utawa ora disengaja, mesthine awake dhewe banjur kelingan kahanan ana ing jaman pemerintahane Pak Soeharto, dhewe kelingan rega bahan bakar minyak (BBM) sing murah, banjur rega sembako ya murah, lan rega-rega liyane sing murah.

Beda banget karo kahanan kang ana ing jamane Pak Soeharto, kahanan Negara Indonesia saiki sansaya ruwet lan ora karuan. Akeh konflik, durung maneh masalah ekonomi, khususe masalah rega BBM sing mundhak.

Sidang DPR RI sing bahas bab APBN 2013 iku ngesahake rega BBM sing anyar. Saka 118 anggota saka partai PDIP, PKS, Hanura, lan Gerindra babarake yen dheweke nolak utawa ora setuju. Nanging, 388 anggota saka partai Demokrat, Golkar, PAN, PKB, lan PPP setuju marang APBN 2013 sing anyar. Pungkase sidang paripurna ing 17 Juni 2013 kuwi, nggawe rega BBM sing  rega Rp 4.500 mau mundhak dadi Rp 6.500 kanggo premium,  lan rega solar seka Rp 4.500 mundhak dadi Rp 5.500. 

Mundhake rega BBM berbanding linear karo rega barang lan jasa, khususe rega sembako. Sakdurunge resmi diumumake rega BBM sing anyar, rega BBM kang ana ing pasaran wis mundhak. Apa maneh sawise diumumake mundhak, rega sembako sansaya  mundhak.

“Waktunya anak naik kelas, masuk sekolah baru, masuk kuliah, kok harga BBM naik. Apalagi mau puasa, disusul lebaran ... jika harga BBM naik, tentu tarif angkutan kota juga naik. Ongkos angkot naik, harga jajan di kantin naik” (Koran Sindo Juli 2013). Tembung kuwi sejatine ya bener. Mundhake rega BBM ora ndelok piye kahanane masyarakat Indonesia. Yen arep pasa utawa Idul Fitri biyasane rega-rega padha mundhak, apa maneh ditambah rega BBM sing mundhak mesthine regane sansaya mundhak ora karuan. Sak liyane saka kuwi rega angkutan umum ya mundhak. Ananging ana pira-pira sopir sing ngundhakake rega angkot sakpenake dhewe ora manut aturan kang ana.

“Kerusakan pagar gedung DPR akibat demonstrasi kenaikan BBM dilaporkan
mencapai 5 milyar rupiah, jalan tol tidak beroperasi menelan kerugian
1,5 Milyar, dan tentu banyak lagi kerugian demonstrasi anarkis kalau
mau dihitung satu-persatu. Orang pun berandai-andai, seandainya uang 5 milyar itu dipakai untuk memperbaiki jembatan putus, jalan rusak, sekolah rusak dll, tentu
jauh lebih bermanfaat, jauh lebih berguna” (ilham-rahmat.blogspot.com 2013). Kuwi salah sawijining akibat saka mundhake rega BBM. Kerusuhan, demo anarkis ana ning ngendi-ngendi. Demo anarkis mau ngerusak lingkungan umum lan ngerugekake akeh pihak. Masyarakat ngetokake emosi lan reaksi sing kebablasen utawa ora mikir apa akibat saka demo anarkis mau. Kanggo mbenerake lingkungan umum, gedung-gedung lan sakpanunggalane mau kuwi butuh ragat kang ora sithik. Sakdurunge ngelakoni kudune uwong mau bisa mikir ndhisik demo kuwi bener apa ora.

"Kami masyarakat Papua setuju kenaikan harga BBM. Menjadi Rp 6.500,00/liter pun nggak masalah, yang penting di SPBU jangan kosong. Toh kami terbiasa membeli bensin eceran yang harganya Rp 18.000,00. Bahkan kalau lagi kosong, kami biasa beli sampai Rp 70.000,00/liter. Jadi kalian masyarakat Pulau Jawa sebelum melakukan demo harga BBM naik, coba pikirkan nasib kami yang tinggal di Papua. Minyak kalian sedot untuk supply ke Pulau Jawa, sedangkan kami kekosongan bahkan kosongnya kadang-kadang sampai berminggu-minggu sudah hal biasa. Kalian di Pulau Jawa baru naik Rp 1.500,00 dan kekosongan di SPBU 1 atau 2 hari sudah ribut luar biasa, sampai berbuat anarkis dan diliput media. Ingat!!! Indonesia bukan hanya Pulau Jawa" (Kuntawiajo.tumblr.com 2013). Kahanan iku kahanan kang mrihatinake. Saka kahanan kuwi kudune masyarakat khususe Jawa ora usah ngeributake, ngelakoni demo anarkis pas rega BBM mundhak. Jebul iseh ana rakyat Papua sing bisa nerima yen rega BBM mundhak, amarga biyasa tuku bensin rega Rp 18.000 /liter, yen pas kosong bisa nganti Rp 70.000 /liter. Rakyat Papua mung pengen supply BBM menyang Papua lancar. Angel ngentukake bensin ing kana.

Sapa sing bisa disalahake saka kahanan iki?Dhewe rakyat biyasa mung bisa nerima apa keputusan kang digawe karo wong gedhe sing duweni kuwasa.